Taasinerit: Uku iluatsitsipput – uku ajalusoorput
Siumup siulittaasuat Aleqa Hammond tamanit inuttut qinigaanerpaavoq - qinigassanngortittut tamarmik taagorneqarnerat takuuk
Qaangerneqaranilu nallerneqanngilaq.
6.818-t taaneqarpoq, tassalu taasinerit 22,6 procentiannit, taamaalilluni Siumup siulittaasua Aleqa Hammond tamanit qinersinermi ajugaasuuvoq.
Tulliuvoq maannakkut naalakkersuisunut siulittaasuusimalersoq Kuupik Kleist Inuit Ataqatigiinneersoq 4.369-init taaneqartoq tassalu 14,5 procentinit.
Taamaalillutik partiip siulittaasui marluk 2009-mi qinersinermut naleqqiullugu paarlaapput, taamanikkut Kuupik 5.461-init taaneqarluni Aleqa Hammond 1.488-init.
Inuit Ataqatigiinniit Maliina Abelsen qinigaanerpaat pingajoraat marlunngormat qinersinermi. 1.134-init taagorneqarpoq tassalu qinersisut 4,4 procentiannit.
Atassutip siulittaasua Gerhardt Petersen siulittaasunit taagornikinnerpaavoq, 216-init taaneqarluni, tassalu qinersisunit 0,7 procentinit.
Se listen over samtlige kandidaters antal personlige stemmer