Qinersinermut aqutsisoq: Inatsisinik malinniinnarpugut
- Inatsit maleqqissaarparput, Nuummi qinersisitsisoq Karno Lynge oqarpoq, erseqqissarusunngilaali sooq unnuaq qinersinerup inernera taama kingusinaartiginersoq
Aatsaat unnuaq nalunaaqutaq 02.32 qinersinerup inernera valg.gl-imi saqqummersinneqarpoq.
Tamanna Nuummi kisitsinerup kingusinneranik peqquteqarpoq.
- Sooq kisitsinerput taamma kinguaattoortiginersoq oqaatigissallugu kissaatiginngilara, erseqqissarsinnaavarali inatsit maleqqissaarsimagipput, Nuummi qinersisitsisoq Karno Lynge Sermitsiaq.AG-mut oqarpoq.
- Inatsisit naapertorlugit suut tamarmik eqqortumik inerneqarnissaannut kisitsissaagut, soorunamilu taamaaliorpugut. Sulisuvut sulilluarput, inatsisillu malinneqartussaapput.
Tusatsiakkat
- Qinersinerup inernerata naammassinissaata kingusinneranut tusarsiakkat imaaginnavipput.
- Oqarnittuut inatsit maleqqissaarparput, Karno Lynge oqarpoq.
Oqaluttuarpoq Katuami kisitsineq marluk missaanni naammassisoq kingornalu Inatsisartuni qinersinermut ataatsimiititaliap qinersinerup inernera akuerisussaalllugu 02.32 avammut nalunaarutigineqannginnerani.