Nuummi qinersisinnaatitaaneq amerlanernit atorneqartoq
Nuummi qinersivik nalunaaqqutaq 20.00 matummat, qinersisinnaasut 73,16 procentii qinersiartorsimapput
Annonce
Inatsisartunut qinersisunik kisitsisit tusarliunneqartut qinersiartortut 69,66 procent aamma allakkatigut qinersisut 3,5 procent.
2009-mi juunip aappaani qinersinermit procentinngorlugit amerlanerullutik, taamani Nuummi qinersisinnaasut 64,65 procentii qinersiartoramik.
Karno Lynge, Nuummi qinersinermik ingerlatsisuuvoq. Pisarneq naapertorlugu nalunaaqqutaq 20.00 qinersinerup matuneranik nalunaaruteqarnermi kingorna, kingullerpaalluni qinersivoq.