Voxpop: Qinerserngaartut taamak oqarput
Sermitsiaq.AG inuusuttut sisamat qinerserngaartut apererai sooq taasiartornersut
Aster Kriegel Petersen: - Nalunarpoq kisianni pissanganarluni aamma. Quppersakkami atit amerlaqaat ajunngilarli. Neriuppunga qinigara allarpassuarnit aamma qinerneqassasoq, pissutigalugu piffissanngormat qinikkama qinigaanissaa, isumaqarpungalu Kalaallit Nunaat pitsaasumik ineriartulissasoq, uanga partii toqqagara ajugaassappat, taakkua pikkoreqigamik. Assi: Leiff Josefsen Jakob Larsen, 20-nik ukiulik: - Maaniilluni annilaarnalaarpoq, aatsaat siullermeerlunga qinersigama. Naluara sooq qinigara toqqarnerlugu. Qinersinissaq misilinniarnerullugu maaniippunga. Mikigallaramali qineqqusaarneq soorpiavinnersoq tupigusuutigisarpara, maannakkullu paasiniarlugu aallartippunga taamaattumillu maaniillunga. Assi: Ivik Kristiansen Nete Lind, 20-nik ukiulik aamma Jane Lund Blesner,19-inik ukiulik: - Pissanganartorujussuuvoq. Misigisaq assorsuaq nuannerpoq nalunagu kiisami iliuuseqaqataasinnaalluni qinerseqataanikkut. Maannakkullu inuiaqatigiit pillugit iliuuseqarpugut. Krydsilersinnaavagut suliniutaannut naleqartitaannullu isumaqatiginerusavut. Tamakkua nalunngilavut pissutigalugu qineqqusaarnermi malinnaalluaqigatta. Assi: Ivik Kristiansen
Ukiut sisamat matuma siorna kingullermik Inatsisartunut qinersinikuugatta taamanerniit maannakkut 18-it sinnerlugit ukioqalersimasut amerlapput qinersisinnaanngorsimallutillu.
Sermitsiaq.AG Nuummi qinersivik Katuaq alakkarpaa, tassani inuusuttut sisamat inuunerminni aatsaat qinersisut oqaloqatigalugit.
Assit ataanni qinerserngaartut oqaasii atuakkit.