Tokyomit qinersinermi inuulluaqqussut
Nick Bæk Heilmann, piffissami matumani Japanip illoqarfiisa pingaarnersaanniittup kikkut tamat qinersiartornissaat innersuussutigaa
Annonse
Sermitsiaq.ag-mi qinersinerup ulluani qinersinermit assinik assigiinngitsunik nassitsiortoqarnissaannit assit uku nuannerluinnartut Nick Bæk Heilmannip piffissami matumani Tokyomi najugaqartup nassiuppai.
- Kikkut tamaasa taasiartornissaannik kaammattorpakka neriuppunga qinersiartortussat aatsaat taamak amerlatigissasut. Uanga sapaatip-akunnerata siuliani qallunaat Tokyomi aallartitaqarfianni taasivunga. Uanga sapinngikkuma aamma allat sapernavianngillat, Nick Bæk Heilmann oqarpoq.
Tokyop aamma Nuup akornanni nal. ak. assigiinngissutaat akunnerit aqqaneq-marluupput. Tokoymi nal.ak. 12-nik siulliupput.