Sungiusartarfiup ikuallannera nipangersitsissanngilaq
Kulusumi illup nipilersornermi sungiusartarfiup ikuallannerata kingorna nipilersuutinik sungiusarfissamillu pissarsiniarneq Kommuneqarfik Sermersuumit misissorneqarpoq illu sungiusartarfik taamalu aamma nipilersuutit nunguillutik tallimanngornermi ullaakkut ikuallareersut
Kulusumi illup nipilersornermut sungiusartarfiup nipilersuutillu illup iluaniittut ikuallannerat nikalluallaataasimaqaaq. Taakku nunaqarfiup meerartaanut tunissutaapput. Ikuallanerulli nipilersornermik nuannarisaqarneq qamissanngikkaa, Kommuneqarfik Sermersooq isumaqarpoq.
Nipilersuutit sungiusartarfiullu inissiaateqarfimmit Iserimmit pigineqartut annaaneqartut arlaatigut taarserneqarsinnaanerat pillugu borgmester Asii Chemnitz Narup nunaqarfimmi aqutsisunik ataatsimeeqateqarniarpoq
IKUALLANERMIT ASSIT UANI TAKUKKIT
Nipilersorpalaaq nuannaarnerlu illumit nipilersortarfimmit nunaqarfimmut akisuasarsimavoq 2012-mi aasakkut nipilersornikkut pikialaartitsinerup kingorna nipilersuutit tunissutigineqarnerisa kingorna.
- Aqagu nunaqarfimmi aqutsisut ataatsimeeqatiserissavakka, ataatsimoorlutalu nukiit katersussavagut, meeqqanut nipilersuutinik pissarsiniarnissatsinnut, taamaalilluni nipilersornermik ilinniartitsineq nipilersorusussuseqarnerlu nangeqqinneqarniassammat, Kommuneqarfik Sermersuumi borgmesteri Asii Chemnitz Narup oqarpoq.