Upernaleqaaq
Kiisami upernalerpoq - nipisaat suaat qiisagisat. Nipisaat suaat ukioq-manna kingusinaarnerupput maannakkulli pissarsiaassalerput
Upernarneranut ilisarnaataasartut ilagaat nipisaat suannik pissarsisinnaanngorneq - taakkualu kiisami takkupput. Nuannaajallannaqaaq kingumut nipisaat suaannik pisiassaqaqqilernera, taassumammi suaasa mamarngat nalissaqanngilaq, ukiup ingerlanerani pinngortitamit pissarsiassat pitsaannerpaartaasa ilaat. Taakkua suaannik nutaanik oqummiussaq siulleq nalissaqanngilaq.
Nalinginnaasumik suaat pandekaaginut, blinis-inik taaguutilinnut uanitsunik aaggorluakkanik, creme frechemik aamma citronit arlaannik akullugit sassaalliutigineqartarput, kisiannili aalisakkap manningi mamarluartut assigiinngitsorpassuanngorlugit nerineqarsinnaapput. Suattorniaraanni najoqqagassat tulluarnersaraat viinit panernerit. Siunnersuutaasinnaavoq tyskit rieslingiliaat imaaluunniit champagnia panerneq.
Neriuppugut qaamatini marlussunni nerilluaatissamik mamarluartumik pissaqartinneqarumaarluta. Aaqqissuisoqarfimmit mamarsarluarnissassinnik kissaappassi.