Akitsinnguaq: Ataatama pisinnaatitaaffiit tunniussimanngilai

Siumut sinnerlugu politikkimik ingerlatsisimagaluartup Akitsinnguaq Olsenip aalajangiusimavaa, ataatami Moses Olsenip maanna toqoreersup, taalliaasa Siumumit atorneqarnissaat akuerisimanngisaannarpaa

Siumut sinnerlugu politikkimik ingerlatsisimagaluartup Akitsinnguaq Olsenip aalajangiusimavaa, ataatami Moses Olsenip maanna toqoreersup taalliaasa Siumumit atorneqarnissaat akuerisimanngisaannarpaa. Assi: Leiff Josefsen

Siumup ataatama taalliaanik atuinissartik pisinnaatitaaffiginngilai pissutigalugu ataatama partiimut piginnittussaatitaaneq tunniussimanngisaannarmagit.

Moses Olsenip panianit Akitsinnguaq OIsenimit nipi tutsiuppoq.

Siumumit sisamanngornermi tutsiuppoq, partii taallanik marlunnik Moses Olsenip allagaanik atuisinnaanermut pisinnaatitaasoq, taakkualu Siumup qineqqusaarutaanni atorneqarput.

- Erinarsuutit siornatigut Siumup erinarsuutiminik naqitertitsinerani ilanngunneqarput marloriarlunilu cdmik saqqummersumi ilaallutik. Moses Olsenip taallat Siumumut tunniuppai, taamaattumik ilisimasimanngilarput toqereernerata kingorna pissutsit taakkua allanngorsimanerat, Siumumit akissutigineqarpoq.

Tassunga tunngatillugu Akitsinnguaq Olsen akivoq ataatami piginnittussaatitaaneq Siumumut ingerlateqqissimanngisaannaraa.

- Naatsorsuutigaara ataatama taallat Siumup erinarsuutaanni ilaasinnaanerannut akuersisimassasoq. Taamaakkaluartoq taallat allanut tunngatillugu atorneqarnissaat akuersissutigisimanngilaa, Akitsinnguaq Sermitsiaq.AG-mut oqarpoq.

Powered by Labrador CMS