IA: Mattussereertoqassanngilaq
Inuit Ataqatigiit politikkikkut oqaaseqartartuat, Aqqaluaq B. Egedep naqissuserpaa, partiip suli matu partiinut tamanut suleqatigiinnissamut ammatinneqartoq
- Partiit kikkulluunniit suleqatigisinnaavagut partiit oqaluussinnaagutsigit kiisalu suleqatigiissutaasinnaasunut isumaqatigiissinnaagutta. Partiinut tamanut ammavugut.
Inuit Ataqatigiit politikkikkut oqaaseqartartuaq, Aqqaluaq B. Egede Sermitsiaq.AG-mut oqarpoq.
Taama oqaaseqarpoq naalakkersuinikkut IA-p suleqataa Demokraatit, Siumut Partii Inuillu suleqatigisinnaanagit tallimanngornermi nalunaareersorlu.
IA-mi politikkikkut oqaaseqartartup iluarinngilaa, suli qinersisoqanngitsoq suleqatiginninnissamik mattussisoqareernera.
- IA-p ammaffigaa silittumik suleqatigiittoqarsinnaanera. Aamma piviusuunngilaq isumaqatiginninniarnerit sioqqullugit partiinik mattussinissaq. Partiit ataasiakkaat assigiinngitsunik siunnerfeqarput, qinersisoqareerpat oqaloqatigiinnikkut ataatsimoorfissamik nassaartoqarsinnaanera upperaarput, Aqqaluaq B. Egede oqarpoq.
- 2009-mi Inatsisartunut kingullermik qinersinermi Inuit Ataqatigiit assinganik Siumut suleqatigineqarnavianngitsoq qinersisoqanngitsorli aalajangerpaat, qanoq oqaaseqarfigisinnaaviuk?
- Taamani patsiseqarpoq pissusilersuutit kusanaammata. Uani qinersinermi IA-mit partiit tamarmik suli ammaffigaagut