Ilinnut suut pingaarneruppat?

Qinersinissamik nalunaaruteqartoqarnerata kingorna politikerit anguniagassatut pingaarnerpaatitaannik - illit suut pingaarnerpaatillugit isummersussavit ullualunnguit qaangiuppata qinersisussanngoruit

Assi toqqorsivimmit: Jørgen Chemnitz

Nunatsinni Inatsisartunut qinersinissaq januaarip naanerani suaarutigineqarnerata kingorna qineqqusaartut neriorsuuterpassuaqarput, marlunngorpat tamakkua aqqisa nalaanni krydsiliiguit pissarsiarisinnaasatit.

Oqallinnermi sammineqartut aatsaat tusalinngilagut kisianni sammineqartuni suut illit maluginiarnerpaavigit qinersileruillu pingaartissavigit?

Naqqani taaasisitsineq peqataaffigiuk isummersorfissami tunngavilersorsinnaavutit.

Sermitsiaq.AG-mit Siumup siulittaasuata Aleqa Hammondip aamma naalakkersuisuugallartut siulittaasuat Kuupik Kleistip, IA piumasaqaatai pingaarnerit eqqaamaniarpai.

Kuupik Kleistip pingaartitai:

  • Aalisarnermik iluarsartuussinerup nanginneqarnissaa
  • Suliniutinut angisuunut sulineq nanginneqassasoq
  • Akitsuutinut apeqqutit
  • Akileraartarnermut Atugarissaarnermullu ataatsimiititaliarsuup innersuussutaanik sulinerup nanginneqarnissaa

Aleqa Hammondippingaartitai:

  • Kalaallit Nunaannit aatsitassat annissukkat akitsuutilerneqarnissaat
  • Suliffissaaleqinerup akiorniarneqarnissaanut pilersaarutit aalajangersukkat
  • Aalisarsinnaanermut akiliutaasartup atorunnaarsinneqassaaq
  • Kalaallit Nunaanni aalisakkanik suliarinneqqittarnerup qaffarsaavigineqarnissaa
Powered by Labrador CMS