HS Analyse: Naligiilluinnarneq
Qinersisartunik misissuisitsinerup kingulliup ersersippaa Inuit Ataqatigiit aamma Siumut Inatsisartunut qinersinissaq sioqqutitsiarlugu naligiimmik taagorniarneqarunartut
Annonse
Qinikkamik ataatsimik assigiinngissuteqarput.
Nunatsinni partiit annerit marluk Inuit Ataqatigiit aamma Siumut assigiinngissutaat taamak annikitsigaaq, sapaatip-akunnerata tulliani marlunngornermi qinersinissaq sioqqullugu.
Qinersisartunik misissuisitsinermik HS Analysemit Sermitsiaq sinnerlugu ingerlanneqartumit kisitsisit paasinarsisippaat.
Kalaallit Nunaanni innuttaasut innuttaasut agguataarneqarnerannut naapertuuttut HS Analysemit Sermitsiaq suleqatigalugu aperineqarput ullumikkut Inatsisartunut qinersisoqartuugaluarpat kikkunnik taasissagaluarnerannik. Isumasiuineq ingerlanneqarpoq sapaatip-akunnerata naanerani marsip aappaani pingajuanilu inunnik nalaatsornerinnakkut makinneqartunik oqarasuaatikkut apersuinikkut.
Misissuinermi inuit katillugit 796-it nunap immikkoortuinit tamaneersut peqataatinneqarput. Isumasiuineq arnaaneq angutaanerlu, najugaqarfik (illoqarfik/nunaqarfik aamma najugaqarfik (nunap immikkoortua) eqqarsaatigalugit innuttaasut agguataarneqarnerannut naapertuuppoq.
Misissuisitsinermi taaneqartussat agguataarnerat sapaatip-akunnerani uani Sermitsiaq saqqummersumi takukkit. Aviisi uani pisiarisinnaavat: