Ataatsimiititsineq iluatsippallaanngitsoq
Inatsisartunut qinersinissami Qeqertarsuarmi qinersisartunut ataatsimiititsineq amerlanngitsuinnarnit takuneqarpoq
Qeqertarsuarmi innuttaasut Inatsisartunut qinigassanngortittunut apeqqarissaarnissaminnut periarfissinneqaraluartut apeqquteqarnissamut piffissaliunneqartoq innuttaasunit naammagineqanngilaq. 12. marts Inatsisartunut qinersinissamut atatillugu qinersisartunik ataatsimiititsineq pivoq 20. Februar ualikkut nalunaaqutaq pingasunut Arfivik TV-ip aaqqissuussaanik nalunaaquttap akunnerinik marlunnik sivisusseqartumik.
Ataatsimiititsineq partiiniit tamaniik, ilaatigut oqarasuaat atorlugu, peqataaffigineqarpoq, illoqarfinniillu inuit marluk qineqqusaariartut tikipput. Qinersisartut oqarasuaatikkut aammalu sms-ikkut apeqquteqarnissaminnut periarfissineqarput. Tamannali innuttaasunit naammagineqanngeqaaq.
Qinersisartut Qeqertarsuup siunissaa pillugu apeqquteqarusussimagaluartut arlallit aviisimut saaffiginnipput pitsaanerusumik aaqqissuulluagaanerusumillu aaqqissuussisoqarsimannginneranik naammagittaalliuuteqartunit.
Bia Broberg Andersen, Arfivik TV-mi siulersuisuni siulittaasoq ajuusaarpoq tv-kkut qineqqusaartitsineq piffissaq kingulleq atorlugu aaqqissuunneqartariaqarsimammat.
Qaasuitsup kommuniani susoqarnersoq sapaatip akunneranut saqqummertartumi Tamanut Avannaanimi oqaluttuap sinnera atuaruk. Aviisi akeqanngitsumik uani pisiariguk: