Taamaammat suli qineqqusaarutinik ersittoqanngilaq

Immaqa eqqarsartarsimassaatit sooq illoqarfinni qineqqusaarutinik suli nivingasoqannginnersoq.
Qineqqusaarutit nivinngarsorneqangajalerput.
Sermitsiaq.AG-p partiit akornanni misissuinerani erserpoq.

Siumut:

- Kingusinnerpaamik qinersinissamut ullut pingasuinnanngorpata qineqqusaarutit ikkussoreersimassavagut. Kommunimut qinersisoqalerpalli tapiisoqarnikuunngilaq, tassani partiit namminneq aningaasaataannik qineqqusaarutinut akiliisussaavugut. Isumaqarpugut kikkut tamat oqartussaanerat tassani eqqorneqartoq, tassami kommunimut qineqqusaartussat nalunnginneqarnerit maluginiarneqarnerussammata, aatsaallu qineqqusaartussat maluginiarneqannginnerusussaallutik. Demokratiimut tamanna uggornarpoq. Inatsisartunut qinersinissamulli piareersarluarpugut, Siumumi konsulenti, qineqqusaartorlu Kenneth Rasmussen oqarpoq.

Partiit: Qineqqusaarutit nivinngarneqalerputAtassummit aamma qineqqusaarutit nivinngarneqangajalerput.
- Qineqqusaatutit tamaasa tigunikuuagut, nivinngaassorneqarnissaanullu piareeqqallutik. Sipaarnerulaartariaqarsimavugulli Kalaallit Nunaanni naqitertitsineq akisummat. Qineqqusaartulli ikiuutaalluarsimapput, Ove Frank Heilmand, Atassutip konsulentia oqarpoq.

Partiit sinneri sisamat qineqqusaarutit nivinngarnissaannut aamma piareeqqapput.