Silap pissusaa nipit oqaatsillu atorlugit
Nuummi Hans Lyngep atuarfiani atuartut silap allanngoriartornera pillugu erinarsorissamik isiginnaagassiorsimapput. Erinarsorluni isiginnaagassiami ullumikkut atuivallaarnermi Sassuma Arnaa kalluarneqarpoq
Annonse
- Nunarsuarput paaritigu.
Taama Hans Lyngep atuarfiani atuartut oqariartuuteqarput sisamanngormat silap allanngoriartornera taassumalu kingunerisai pillugit erinarsugassamik isiginnaartitsigamik. Isiginnaagassiaq marlunnik immikkoortoqarpoq ullumikkullu nunarsuup qanoq pineqarneranut atatillugu kalaallit oqaluasaavi akuliunneqarlutik.
Erinarsorluni isiginnaagassiaq Silavit Qeqqa ilinniartitsisup Mette Labansenip suliaraa, qanga naleqartitat atueqqinnerlu erinarsugassiamut akuutillugit, assilissat oqaatsit nipilu atorlugit silaannaap allanngoriartornera allatut ittumik isigalugu.
Asserpassuit takukkit.