Inu:IT Nalunaarasuartaateqarnermi Aqutsisoqarfimmut naammagittaalliorpoq
Tele-Postip flatratemik neqeroorutaata internettimi unammillertoqaqqajaalerneranut ajoqutaannginnissaa IT-mik suliffeqarfiup qulakkeerusuppaa
Flatrate – atuinerup annertussusaa apeqqutaatinnagu aki ataaseq – Tele-Postip internettimi piviusuni kisermaassisuulernissaanik isumaqarpa?
Tamanna IT-mik suliffeqarfiup Inu:IT-p ernummatigaa, taamaattumillu Nalunaarasuartaateqarnermi Aqutsisoqarfimmut naammagittaalliorsimalluni suliffeqarfiullu namminersorlutik oqartussanit pigineqartup tunisassiaanit nutaamit niuerfimmi unammillertoqalersinnaaneranut ajoqutaannginnissaanik qulakkeerinninnissamik oqartussat qinnuigalugit.
Naammagittaalliuummut qitiusoq tassaavoq suliffeqarfiit namminersortut soorlu Inu:IT internettimik neqerooruteqarsinnaassagunik Tele-Postimut isumaqatigiissutinik isumalluuteqartariaqarnerat, imaatigut kabelimi digitalimik atuisinnaanermut suliffeqarfik namminersorlutik oqartussanit pigineqartoq kisermaassisuummat.
Allaaserisaq tamaat uani sapaatit akunnerani Sermitsiami atuaruk. Aviisi uani pisiarisinnaavat: