- Inuttut allatulli naleqassuseqarpunga

Rebekka Petersen kørestolertuuvoq. Ikiorneqarnissamut atorfissaqartitsigaluarluni misigaaq ikiorneqarneq ajorluni. Rebekkap ajornakusoortumik najugaqarniarnera atuaruk

Rebekka Petersen. Assi.: Paninnguaq Fleischer-Lyberth
Anartarfik mikingaarmat Rebekka wc-mut inginniaraangami issiavimminiit tingiinnartariaqartarporluunniit. Assi.: Paninnguaq Fleischer-Lyberth
Iggavimmi skaaviit alliit kisiisa inunngilai, sinneranut aapparminit ikiorserneqartariaqartarpoq. Assi.: Paninnguaq Fleischer-Lyberth
Rebekka Petersennip matui saatsunnguit nungullapallannginniassammata savimminermik qallerneqarsimapput. Tamannalu isumaqarpoq Rebekka assamigut kimillannerpassuaqarneranik. Assi.: Paninnguaq Fleischer-Lyberth
Iggavimmi skaaviit alliit kisiisa inunngilai, sinneranut aapparminit ikiorserneqartariaqartarpoq. Assi.: Paninnguaq Fleischer-Lyberth Knud Fl. LarsenRebekka Petersennip matui saatsunnguit nungullapallannginniassammata savimminermik qallerneqarsimapput. Tamannalu isumaqarpoq Rebekka assamigut kimillannerpassuaqarneranik. Assi.: Paninnguaq Fleischer-Lyberth Rebekka Petersen. Assi.: Paninnguaq Fleischer-Lyberth Anartarfik mikingaarmat Rebekka wc-mut inginniaraangami issiavimminiit tingiinnartariaqartarporluunniit. Assi.: Paninnguaq Fleischer-Lyberth Iggavimmi skaaviit alliit kisiisa inunngilai, sinneranut aapparminit ikiorserneqartariaqartarpoq. Assi.: Paninnguaq Fleischer-Lyberth Knud Fl. LarsenRebekka Petersennip matui saatsunnguit nungullapallannginniassammata savimminermik qallerneqarsimapput. Tamannalu isumaqarpoq Rebekka assamigut kimillannerpassuaqarneranik. Assi.: Paninnguaq Fleischer-Lyberth Rebekka Petersen. Assi.: Paninnguaq Fleischer-Lyberth Anartarfik mikingaarmat Rebekka wc-mut inginniaraangami issiavimminiit tingiinnartariaqartarporluunniit. Assi.: Paninnguaq Fleischer-Lyberth

- Inuttut allatuulli naleqassuseqarpunga, naak kørestoleraluarlunga. Ilaatigulli misigisarsarpunga, naak ikiorneqarusukkaluarlunga ikiorniarneqarneq ajornanga.

Rebekka Petersen oqarpoq, Sisimiuni najugalik oqarpoq.

Maani TV-kut qinersinissamut oqallitsitsisoqarnerani qallunaatut ingerlanneqartumik Poul Erik Christensen Kalaallit Nunatsinni inissianik 400-rujuusunik sanaartorneq pillugu apeqquteqarpoq. Erseqqissaatigaa inissiani taakkunani sananeqartuni ataasinnguarluunniit innarluutilinnut tulluussagaanngimmat.

Demokraatineersoq Jens B. Frederiksen akissuteqarpoq inissiat innarluutilinnut tulluarsagaanngitsut inissialli innarluutilinnut erserfigisinnaanngorlugit sanaajusut.

Kisianni pisariaqartitamut tulluutinngitsumik ineqarluniuna qanoq ittoq?

Sisimiuni inissiat 36-it sananeqaleruttorput. Tassani ataasiinnarluuniit innarluutilinnut atugassanngorlu sananeqarsimanngilaq.
Qanorliuni ittoq nammineq pisariaqartitamut tulluutinngitsumi najugaqarluni.

Rebekka Petersen Aqqartarfimmut nuunngikkallami Kussangasuni innarluutilinnut tulluarnerulaami najugaqaraluarpoq. Allatulli ajornartumik inissat marlut akornanni toqqaasariaqarsimavoq. Silarsuarpummi ajortikkaangat inissiaminiit aninissaminut aporfeqartarsimavoq.

- Inigisanni siullermi mattusimasutut misigisimasarama, naak inip ilua maani ininninngaanniit iluarnerugaluartoq, Rebekka oqaluttuarluni aallartippoq.

Maannakkup inissiaq Rebekkap najugaa inunnut peqqissunut sanaajuvoq. Rebekkalu inissiap iseriaata tungaata saappallaarnera inissialu ilua ajornartorsiutigaa.

Innarluutilinnut inissiat atorfissaqartut
Rebekka Petersennip matui amitsunnguit savimminermik nungullarnaveeqquserneqarsimapput. Savimernit Rebekkap kørestolini ajattaraangamiuk assaasa nalaani uniffeqarput.

- Matut amippallaarujussuaqaat. Maanga nuukkattali naluara qassinik kimillannikuunerlunga. Allaammi nakorsiartariaqarnikuuvunga kilernera ajortikkaluttuinnarmat. Kileqattaarnikuungaarama initsinni ingerlagaangama annilaangaannaavittarpunga nutaamik kileqqissasoralunga, Rebekka oqaluttuarpoq.

Anartarfillumi iluarnerunngilaq. Anartarfik mikingaarmat Rebekka issiavimminiit anartarfimmut tingiinnangajattariaqartarporluunnit.

- Anartarfimmiikkaangama misigisimasarpunga tattoqillunga. Anillaleraangamalu tunumorsortariaqartarpunga, siumummi saallunga anillassinnaanngivikkama, Rebekka oqaluttuarpoq.

Rebekka aamma issiavimmi nalinginnaasumi ingilluni uffartariaqartarpoq, naak sukkinnissamut ulorianartorsioraluarluni, tassami uffarfimmi innarluutilinnut uffarluni issiavimmik ikkussisoqarsimanngilaq

Iggavik ajunnginnerunngilaq. Skaavimmi alliit kisiisa angumasinnaavai, sinnerini aapparminit, Aalibak Augustussennimit ikiorneqaqqaartariaqartarpoq.

- Angerlarsimatillugu piffissap annersaani angerlarsimaniartarpunga ikiorsinnaaniassagakku aappaasoq oqaluttuarpoq.
Inissiaq innarluutilinnut tulluutinngitsoq innarluutilinnut tulluussarlugu suliareqqitaagaluarpoq.

- Aningaasalluunniit qassit atoraluaraanni una inissiaq uannut tulluartunnguvissinnaanngilaq. Ajuusaarnaqaaq inissianik aallaqqaataaniilli innarluutilinnut tulluussakkanik sanasoqartanngimmat. Kørestolertut amerliartuinnarput inuusussigaluttuinnarlutillu Rebekka Petersen qitimigut ajutoornerup kingornanik kørestolilersimasoq naggasiivoq.

Powered by Labrador CMS