Julianep silami pujortartarneq annikillisinniarpaa
IA-mit Juliane Henningsen, pujortartarnermut inatsit sukateqqinneqarnissaa anguniarpaa.-Piffissanngorpoq suli inuiattut peqqinnerulernissatsinnut alloriaqqinnissarput, oqarluni
- Sulissutigissavara pujortaqqusinnginnermut maleruagassat sukateqqinneqassasut, pujortaqqusinnginneq isaarissanut tamanut atuutsinneqalissaaq, silami bussit unittarfii, pisiniarfiit isaariaat, mittarfeqarfiit isaariaat allallu inuit ornigartagaat.
Inuit Ataqatigiit sinnerlugit Inatsisartunut qinigassanngortittoq Juliane Henningsen oqarpoq.
-Tamatta nalunngilarput pujortartarneq inuiaqatigiit peqqissusaannut ajoqqutaasoq. Inuiaqatigiittullu peqqissuuneq toqqartariaqarparput. Tamanna atugarissaarnerunermik kiisalu peqqinnissaqarfimmut pitsaanerusumik kinguneqassaaq.
Pujortarnermut inatsit maannakkut atuuttoq Inuit Ataqatigiinnit aaqqissorneqarpoq.
- Inatsit maannakkutut isikkulik eqqupparput. Inuit tamarmik appakaaffigisinnaasaanni illup iluani pujortaqqusiunnaarneq iluatsilluarpoq. Maannalu piffissanngorpoq suli inuiattut peqqinnerulernissatsinnut alloriaqqinnissarput, IA-mi politikkeri oqarpoq.