Immuk akukinneq nunaqarfinni nuannarineqarluartoq
KNI-p kisitsisaani takuneqarsinnaavoq immuk akukinneq 2012-imi pisiarineqarnerpaasimasoq. Suut pisiarineqarnerpaasimanersut takukkit
Qalipaataa qaqortuuvoq nersussuarminngaanneerlunilu.
KNI-p pisiniarfiutaani Pilersuisoq-mi nunaqarfinni 65-inik pisiniarfeqartumi, immuk akukinneq 2012-imi pisiarineqarnerpaavoq.
Taanna KNI-p aviisiani takuneqarsinnaavoq.
Arfineq-pingajuattut qulingiluaattullu iffiaq qaqortut angisuut fransk hotdogillu inissisimapput. Pilersuisumi pisortaq Frederik Olsen oqarpoq, taakku pisiariumaneqariartuinnavissut.
- Pisiniarfinni iffiukkat qalarlaat kiisalu franske hotdogs-it pisiariumaneqaleraluttuinnarnerat malunnarsinikuuvoq, taakkualu saniatigut paarnanik assigiinngitsunik nammineq akuleriillugit pisiniartarneq
malinnaalluarpoq, Frederik Olsen oqarpoq.
2012-imi suut pisiarineqarnerpaasimanersut uani takuneqarsinnaapput:
1. Immuk kimikitsoq 1,6% UHT, 1 literi
2. Mamakujuit pooriigaanngitsut
3. Bananit
4. Qapuit panertut
5. Rundstyk-it
6. Iffiaq qaqortoq 650 gr. naqittagaq uutassaq
7. Iibilit aappaluttut
8. Iffiat qaqortut angisuut
9. Fransk hotdog-it
10. Paarnat (frugt-it) nammineq akuleriissinnaasat