- Nunatsinni suut tamarmik tiguinnagassaanngillat
Ippassaq tallimanngornermi paasinarsivoq Arctic Green Foodimik piginneqataasut suliffeqarfimmut ilungersunartorsiortumut aaqqiisutissamik nassaarniartut, ualilli ingerlanerani suliffeqarfik akiliisinnaajunnaartutut nalunaarutigineqarpoq
Aningaasaqarneq ingerlatsivimmi Arctic Green Food A/S, AGF, ajorluinnarpoq, ippassaq tallimanngornermi piginnittut tusagassiorfinnut nalunaarutigaat ingerlatsivik annanniarlugu iliuusissamik piareersaallutik.
Ullup ingerlanerani ingerlatsivik akiliisinnaajunnaartoq nalunaarutigineqarpoq.
Ingerlatsivik maannakkorpiaq 2,1 millioner koruuninik pisariaqartitsivoq, ingerlatsiviup namminersorlutik oqartussanit pissarsiariumasaannik. Piumasaqaat Aalisarnermut, Piniarnermut Nunalerinermullu naalakkersuisoqarfiup qinersisoqarnissaa pissutigalugu aalajangiiffigisinnaanngisaa.
Periarfissat allat
- Pisortaqarfimmit aalisartunut periafissarsiuussivugut, sumiiffinni AGFip tunitsiveqarfeqarfiini eqqorneqarsinnaasuni, pingaartumik sinerissap qanittuani nipisaat suaannik tunisinnaanissaq pillugu. Pisortaqarfiup soqutigisaraa aalisartut tunitsiveqarnissaat sapinngisaq tamaat qulaakkeerniassallugu. Nalunaarutigineqassaaq Naalakkersuisunngortussat qinersinerup kingorna aaqqiissutissamik sukkanerpaaq atorlugu ujaasissammata.
Arctic Green Food-imut aningaasat 4,9 millioner kr-nit 3 januar tunniunneqartut sumut atorneqarsimaneranik nassuiaatinnagu 2,1 millioner krnit tunniunneqarnavianngitsut Ane Hansen knr-imut oqarpoq.
- Kukkunerujussuuvoq isumaqaraanni Kalaallit Nunaanni suut tamarmik tiguinnariaasut, Ane Hansen Radioaviisimut oqarpoq pisullu qulaajarneqarnissaannik piumasaqarluni.
Sermitsiaq.AG, Arctic Green Foodimit oqaaseqartitsiniaalluni misiliiuaraluarpoq iluatsinngitsumilli.
Arctic Green Food fwebruaarip 15-ianni aningaasaateqanngitsoq nalunaarutigineqapoq. Ingerlatsivimmit feriepengitut tunniussassat, suannit bonusisiassat qaammatinullu kingullernut akileraarutinut akiliutissat amigaataapput.