Facebook-imi suleqatigiit Nini Tessing katersissukkaat
Nini Tessing kingumut kræftimik eqqorneqarpoq. Facebookimi suleqatigiit sisamassaanik aningaasanik katersilerput. Aningaasat ilaqutaasa angalanissaannut atorneqarniarput
Nini Tessing sisamassaannik aamigut kræftimik leukæmimik eqqorneqarpoq. Taanna kikkunnit tamanit oqaluuserineqalerpoq Skype atorlugu ilinniarnertuunngorniarluni soraarummeermat, 2012-imi aasakkut Rigshospitalimi kræftimut peqqissartinnermi nalaani. Ajoraluartumik napparsimaleqqissimavoq maannalu peqqissartilluni uninngalluni.
- Kalaaliulluni kræftimik napparsimalluni Rigshospitalimi ilaquttanut ungaseqaluni uninnganeq sakkortuvoq aamma aningaasatigut, Facebookimi suleqatigiit allapput, taakkua Nini Tessingimut iluaqqutaasussamik katersiniaqatigiit inuit tapersiinissaannik kaammattuipput, Nini Tessingip ulluinnarni atugai oqilisalaarumallugit.
- Illit tunniussaqarsinnaavutit kingusinnerpaamik apriilip 30-at una atorlugu 7170 2419681, Pia Rosing Heilmann, Tupaarnaq Kreutzmann aamma Susanne Jensen, katersuiniarnermik akisussaasut allapput.
Facebookimi suleqatigiit uani takusinnaavatit.