Paamiuni innuttaasoq: Nannup tumaanik ullumi takusaqarpunga
Sermitsiaq.AG-mut nalunaarutigineqarpoq Paamiuni nannup tumaanik angisuunik takusoqarsimasoq ullumi. Tumit iliveqarfittaap eqqaani eqqaavissuullu eqqaani takuneqarput
Suli nalunaarutigineqanngilaq eqqortuunersoq, Sermitsiaq.AG-mulli nalunaartoqarpoq Paamiuni nannup tumaanik takusoqarsimasoq. Tumit takuneqartut angisuujupput, taakkulu iliveqarfittaap eqqaani eqqaavissuullu eqqaani takuneqarput.
Maannakkorpiaq nanoq ujarneqarpoq, illoqarfiup eqqaanukannginnissaa anguniarlugu.
Piniarnermut nakkutilliisoq Adolf Holm Sermitsiaq.AG-mut oqarpoq, nunnup tumaanik takusaqarsimaneq pillugu paasisaqarsimanani. Politiit aamma pisumut nalunaarfigineqarsimanngillat.
suulut@sermitsiaq.ag-mut allagit pisumut nalunngisaqaruit. Pisoq pillugu assiuteqaruit aamma nassissisinnaavutit