Qinigassanngortittoq: Arnat illoqarfimminni ernisarlik
Siumut tunuliaqutaralugu Inatsisartunut qinigassanngortittoq, Peter Søren Olsen isumaqarpoq, arnat illoqarfimminni ernisinnaasariaqartut
Arnat illoqarfimminni ernisinnaasariaqarput.
Siumut tunuliaqutaralugu Inatsisartunut qinigassanngortittoq, Peter Søren Olsen taama isumaqarpoq.
- Maniitsormiut arnartaat ernissagaangata Nuuliaanneqanngikkunik Sisimiuliaanneqartarput. Ernisussarlu kisimi angalanermi akiliunneqartarluni. Ataatanngortussaq tamatigut erninermut peqataanissanimut akissaqarneq ajorpoq, tamannalu allanngortinneqarnissaa qineqqusaarutigaara, Peter Søren Olsen Sermitsiaq.AG-mut oqarpoq.
Allannguisoqareernerasigut Maniitsumi ukioq kingulleq juumooruppoq. Taamaasilluni illoqarfinni sisamani kisimi ernisoqarsinnaalerluni. Peter Søren Olsenip namminermi illoqarfimmi ernisinnaaneq uterteqqikkusuppaa, tassa arnat illoqarfimminni ernisinnaanngorteqqillugit.
- 50-iniit 60-inut amerlatigisut Maniitsumi nunaqarfiinilu ukiumut ernisarput. Arnat erninissaannut sapaatip akunneri marluk-pingasuinnanngoraangata erniartorlutik aallartinneqartarput, taamaasilluni inooqatitik qimattarlugit. Taamatut aallartitaanermi maqaasisoqartarpoq, nunalu siuariartortillugu arnat illoqarfimminni ernisinnaasariaqarput, Peter Søren Olsen oqarpoq.
- Aningaasanik sipaarniartoqarnera taamaasiortoqaraluartoq isumaqarpunga arnat ilaquttatik ilagalugit ernisinnaasariaqartut, Siumut tunuliaqutaralugu politikkeri oqarpoq.