Taasisinnaavit
Marsip aqqaneq-aappaani Inatsisartunut qinersinissamut taasisinnaanerlutit qulerutigigukku ataasinngorpat marlunngorpalluunniit qinersisussat allassimaffii misissorsinnaavatit
Inatsisartunut qinersinissamut atatillugu qinersisussat allassimaffiat taasiartorfinni tamani saqqumitinneqassaaq ataasinngorneq 18. februar aamma marlunngorneq 19. februar 2013.
Taamaalilluni qinersisartup qulakkeersinnaavaa qinersisussat allassimaffiannut ilanngunneqarsimanerluni.
Kinaluunniit isumaqartoq nammineq imaluunniit inuk alla pissutissaqanngitsumik allassimaffimmi ilanngunneqarsimanngitsoq imaluunniit ilanngunneqarsimasoq, qinersisussat allassimaffiata saqqumitinneqarfissaata naanerata kingorna kingusinnerpaamik ulluinnaat marluk qaangiutsinnagit kommunimi qinersinermi siulersuisunut naammagittaalliornermut pissutaasut naatsumik taallugit allakkatigut naammagittaalliuuteqarsinnaavoq.
Nunamut namminermut, avatangiisinut pinngortitamullu pisortaqarfik nalunaaruteqarpoq.