Aqqusinerni atisat atorneqartut
Kinaavit atisallu suut atortarpigit? Nittartakkami nutaami Nuummi aqqusinerni atisat atorneqartut takuneqarsinnaapput
Atisatit oqaluttuarikkit imminullu oqaatsit ikittunnguit atorlugit ilisaritigit. Nittartakkami nutaami sapaatip-akunnerani uani saqqummiunneqartumi tassa piumasaqaatit.
Sammineqarpoq aqqusinerni suut atorneqartarnersut. Tallimanngornermi Elias saqqummiunneqarpoq - ilami inuuimmini aamma piluaqqquneqarluni. Nittartagaq tuluttut oqaasertaqarpoq.
Elias pillugu allassimasoqarpoq:
Nipilersuutit assigiinngitsorujussuit nuannaraakka nunarsuarmi eqqumiitsuliortunit tamanit saqqummersinneqartartut, Beyoncé nuannaartorinerpaavara. Sunngiffinni ikinngutit ilaquttallu ilagisarpakka. Taavalu anillunga nuannisarusuttarlunga.
Ateq: Elias
Ukiut: 24
Suliffik: Frisør
Suminngaanniit: Maniitsoq, Kalaallit Nunaat
Nuuk Look-ip Elias ajunnginnerpaamik kissaappaa - taanna ullumi inuuissiormat.
Www.Nuuklook.com facebookimi nittartagaqarpoq pisoqaanerulaartumik taanna uani takusinnaavat.