Qiminik nakkutilliisup aaqqissavaa
Nuummi qimminik angalaannartunik ajornartorsiuteqarneq ima annertutigaaq Kommuneqarfik Sermersooq qimminik nakkutilliisumik atorfinitsitsilluni
Nuummi qimmit inuttaqanngitsut angalaannartut miaggoortullu ajornartorsiutaanerannik aaqqiiniarneq annertusineqarpoq.
Ukiup affaani kingullermi najugaqartunit amerligaluttuinnartunit qimminit angalaannartunit akornusersorneqartutut misigisimasunit saaffiginnissutinik Kommuneqarfik Sermersuumi tigusisoqartarsimavoq
Taamaammat naammagittaalliutit takkussortut tunngavigalugit 2013-imi februaarip ulluisa aallaqqaataani sulilersumik qimminik nakkutilliisumik Kommuneqarfik Sermersuumi atorfinitsitsisoqarsimavoq. Qimminik nakkutilliisoq qimmiuteqarnissaq pillugu suliniummi aqutsisumik aamma Uumasut Ikinngutaannik suleqateqarluni qimminut tunngasunik iluarsaassissaaq.
Qimmit angalaannartut tamarmik tigooqqarneqassapput nalunaaquttap akunnerinilu 48-ni paarineqarallartassallutik. Tamatuma kingorna qimmit inuttaat saaffiginnissimanngippata qimmit taarsiinissamut akisussaatinneqarani toqorarneqassapput.