Angut utoqqasaaq ikuallannermi ajunaarpoq
Nuummi Politiit ilisimatitsipput angut utoqqasaaq arfininngornermi ullaakkut ikuallannermut atatillugu toqusoq
Annonce
- Pisoq suli paasiniaavigaarput, Nuummi Politiit oqarput, arfininngornermi ualikkut toqusup timaanik misissuisut, Nuummi illoqarfiup immikkoortortaani Nuussuarmi utoqqaat inissiaqarfianni ikuallattoqarnerani ajunaartup timaanik.
Pigaartoq Sermitsiaq.AGmut oqaluttuarpoq ajunaartoq angutaasoq utoqqasaaq.
- Pinerlunnermik pisoqarsimanissaa naatsorsuutiginngilarput. Ilimagaarput sikaritsip arsakuanit inissiami ikuallanneq aallartissimassasoq, Nuummi Politiinit ilisimatitsipput.
Inissiap ikuallattup eqqaani najugallit allamut inissinneqarallarput.