Nuka Bisgaard politikki iserfiginiarpaa
Demokraatit qinigassanngortitatik tamanut saqqummiuppaat marsip aqqaneq-aappaani qinersinnaasavit ilaat
Nuka Bisgaard, immaqa Nuummi Gay Pridemik ingerlatsinermit ilisimaneqarnerusoq politikkimut iserniarput. Tamanna Facebook-imi nittartatakkamini tamanut saqqummiuppaa allalluni:
- Saaffigineqarpunga unammilligassarlu akueraara. Aatsaat perngaamik politikki pillugu tusagassiivinnik katersuutsitsineq Skype aqqutigalugu misilippara, naatsumik oqaatigalugu: Demokraatit sinnerlugit qineqqusaarnermi aggersumi sassarpunga!
Nuka Biisgaard piffissami matumani Københavnimiippoq kræftimut katsorsartilluni naatsorsuutigaluguli februaarip 14-ianni Nuummut uteqqissalluni qineqqusaarnermi peqataajartorluni, Nuuk TV ilisimatitsivoq.
Demokraatinit makku sassarput - maannamut makku qinigassanngortipput:
Jens B. Frederiksen, Andreas Uldum (Anda), Justus Hansen, Palle Christiansen, Aviaaja Karlshøj Poulsen, Tillie Martinussen, Klara Jakobsen, Allan Chemnitz, Kim C. Bachmann, Sussi Jensen, Michael Rosing, Svend Svendsen, Sascha Thorleifsen, Ida Vahl, Stine Lange, Christiane Hansen, Ulrik Blidorf aamma Nuka Bisgaard.