Ittu aallarnisaasutut nersugaasoq
Pinniarfiutilik Stefan Ittu Hviid aallarnisaasutut 25.000 koruuninik aningaasartalimmik nersorniarneqarpoq
Nuummi kulturikkut illorsuarmi ataatsimeersuarnerup ' Future Greenland' ingerlanneqarneranut atatillugu pisinniarfiutilik Stefan Ittu Hviid Nuummeersoq pingasunngornermi qungujulassutissaqarluarpoq.
Ittu checkimik 25.000 koruuninik nalilimmik Grønlandsbankip Inuussutissarsiornermut aningaasaateqarfianit tunniunneqarpoq.
Inussutissarsiornermut aningaasaateqarfiup siulittaasua Kristian Lennert ilaatigut oqarpoq:
- Ittu, aallarnisaasup ilisarnaatai tamaasa atorlugit Nuuk Centerimik aasaq kingulleq naammassisumik pilersitsiniaanermi nukittuutut inissisimavutit. Kikkulluuniit ilinnik suliamillu ukiorpaalunngortuni ingerlatsininnik malinnaasimasut nalunngilaat, qasusuillutit inuttut peqataallutit anguniagaqarlutillu ingerlatsinerit pissutaaqataalluni Nuummi Nuuk Centeri aqqutigalugu siuariarujussuartoqartoq, Nuummi nioqqutissanik tuniniaaneq eqqarsaatigalugu. Nikeriarujussuarneq illoqarfimmi innuttaasut qinigassaqarnerulernerannik nassataqarpoq nutaaliaanerusunillu atugassaqartinneqarnerannut.
Grønlandsbankip Inuussutissarsiornermik aningaasaateqarfianit ukiut arlalit ingerlaneranni inummut immikkut suliniuteqartumut nersuiniarluni aningaasanik tunniussisoqartarpoq.
’Future Greenland’-imik ataatsimeersuarneq ullumikkut naammassissaaq.