- Soraarnerussutisianik katersiviit tikilluaqqusaavusi
Sooraarnerussutisiassanut katersiviit aatsitassarsiornermi qanorsuaq aningaasaliisinnaapput iluanaarutiginiarlugilli, ministeriuneq Helle Thorning-Schmidt, Socialdemokraterne oqarpoq
Sapaatip akunnerani uani soraarnerussutisianut katersiviit tusarliuuppaat erseqqissarlugulu qallunaat naalagaaffiannut aningaasanik atortitsisinnaallutik Københavnimi umiarsualivimmi sullorsualiornissamut atugassamik. Tamanna OPPmik suleqatigiinnermik taallugu ingerlanneqarsinnaasoq, taanna tassaassalluni pisortat namminersortullu suleqatigiiffiat.
Marlunngornermi ministeriuneq Helle Thorning-Schmidt, Socialdemokraterne, tusagassiivinnut katersuutsitsimmat apeqqutigineqarpoq takorloorneqarsinnaanersoq, soraarnerussutisianut katersiviit Kalaallit Nunaanni aatsitassarsiornermi qallunaat naalagaaffiat aamma nunatsinni inuussutissarsiortut peqatigalugit aningaasaliisinnaanersut.
- Tamanna aningaasarsiorneq aallaavigalugu ingerlanneqarsinnaapput ingerlanneqassallutillu. Takorloorsinnaanngilara qallunaat akileraartartuisa aalajangersimasumik iluanaaruteqarnissaat.
- Naalakkersuisut siulittaasuata kissaatigaa aningaasarsiorneq aallaavigalugu ingerlatsisoqassasoq tamannalu isumaliutigeqqaartariaqarparput. Soraarnerussutisianut katersiviit qikilluaqqusaapput taamaallaalli aningaasarsiornermik ingerlatseriaatsit nalinginnaasut ingerlanneqarnissaat kissaatiginarpoq, Helle Thorning-Schmidt oqarpoq.
Januaarimi qallunaat ministeriunerat namminersorlutik oqartussanik ataatsimeeqateqarmat naalakkersuisut isummaminnik aalajangiussipput, Helle Thorning-Schmidt oqarpoq.
- Naalakkersuisut siulittaasuat aamma oqarpoq qallunaat aningaasaliissutaat siulliunneqartussaanngitsut naak taakkua tikilluaqqusaagaluartut, soraarnerussutisianut katersiviit isumaqarput iluanaaruteqartartut namminneq ilaasortaminnut tunniukkusutaminnik, Helle Thorning-Schmidt oqarpoq.
Marlunngornermi kingusinnerusukkut Helle Thorning-Schmidt Folketingip illersornissamut ataatsimiititaliaanik aamma nunanut allanut ministerimik Villy Søvndal, SF aamma inatsiseqarnermut ministerimik Morten Bødskov, Socialdemokraterne, ataatsimeeqateqassapput Nunatsinni aatsitassarsiorneq pillugu apeqqutinik akissuteqarlutik.
Soraarnerussutisianut katersiviit nalunaajaamik inniminniisimapput, Københavnip umiarsualiviani sullorsuarmik Nordhavnip aamma Amagermotorvejip akornanni suliassaq assersuutigalugu.
Danmarkimi soraarnerussutisiassanut katersiviit tallimat anginerpaat - ATP, PFA, PensionDanmark, PKA aamma Sampension, kattillutik 1700 milliarder koruuninik pigisaqarput.
Dongip pisortaanera soraarsitaq Anders Eldrup saqqummiussassanik suliaqarpoq Nordeami pisortaq Peter Schütze ilagalugu.