Atuartunut nittartagaq Issittumi silap pissusaanik sammisalik
Kalaallit qallunaallu meeqqat atuarfianni atuartut manna periarfissaqalerput Issittumi silap pissusaata allanngoriartorneranik ilisimatuussutsikkut paasisat kingulliit malinnaaviginissaat
Kalaallit Nunaanni aamma Danmarkimi meeqqat atuarfiini atuartut Issittumi silap pissusaata allanngoriartorneranik malinnaalluarnissaminnut.
Tamanna pissaaq detnyearktis.dk, Klima-, Energi- og Bygningsministeriap suliaa ullumi marlunngornermi silaannakkuulerpat.
Nittartakkap pilersippaa ilinniartitsinermut atugassiat ataqatigiissut Issittumi ineriartornermik isiginninnerusut.
- Atuartut periarfissaqalissapput Issittumi silap pissusaata allanngoriartorneranit paasisanik nutaanik pissarsinissaminnut. Issittoq nunarsuarmi sumiiffiit ilagaat silap pissusaata allanngoriartorneranik malussaqqaartartoq. Taamaattumik maani ineriartornerup suut unammilligassaanersut paasinarsisarpai, klima-, energi- og bygningsminister Martin Lidegaard, Radikale, tusagassiivinnut nalunaarummi allappoq.
Ilisimatusartut ilisimasaannut periarfissaq
Detnyearktis.dk atuartunut 9. klassinut annermik naleqqussagaavoq, kikkulli tamat issittumi allanngoriartornermik soqutiginnittut paasisat nutaanerit siunissami ineriartornissamut aamma issittumi apisarneranik sikusarneranullu tunngasut taamatullu Issittumi allanngoriartortumi inuusunut nunarsuullu sinnerani inuusunut sunniutissaat misissorneqarsinnaallutik.