Aviisi: Kalaallit Nunaat allaanngilaq illoorariit nalliuttorsiortut
Politikenip pingaarnertut allaaserisaani isumaqartoqarpoq Kalaallit Nunaata siunissaa suliniutit angisuut pillugit inatsimmik aqunneqanngitsoq, Murphyllu inatsisaa naapertorlugu suut tamarmik ajutoorsinnaasut ajutuussallutik
Sapaatit akunnerini tulliuttuni takussavarput kalaallit siuariartornissaminnut naammattumik imminut tatiginersut imaluunniit Kinamiut piumasaminnik aatsitassanik piiaasinnaassanersut.
Taama allappoq arfinninngornermi Politiken pingaarnertut allaaserisami.
Illoorariit nuannattut
- Qineqqusaarnermi Kalaallit Nunaanni aatsitassat pillugit oqallinneq pingaarnerpaajussaaq: Kommunistit naalagaaffiani Kinami nunasiaanissaq kisimi siunissaanerpa? Aviisimilu ima naliliisoqarpoq ’Murphyp inatsisaa naapertorlugu suut tamarmik ajutoorsinnaasut ajutuussasut’, Poliken allappoq isumaqarluni aatsitassat peqqutigalugit Kalaallit Nunaat aatsaat taama ilaqutariinnikkut iluaqusersorfiutigilissasoq, soorlumi maannakkut annertuumik taamaareersoq. Aviisi allaat isumaqarpoq Kalaallit Nunaat misilittagalinnik ikittuinnarnik inoqartoq naalakkersuinermik sulinerup niuernerullu akornanni sulisinnaasunik, toqqaannartumillu allalluni ’allaanani illoorariit aningaasarpassuit atorlugit nuannattut’.
- Iluanaarutit nuimasunut ikittuinnartut tussapput ajoqutillu allanut. Periarfissalli allat suli ajornerupput. Aningaasatigut ingerlanerliortoqartillugu kalaallit allanik periarfissaqannginnamik annikinnerpaamik ajortulik akueriinnartariaqarpaat. Suliniutit allat suliffissanik nutaanik pilersitsiffiusussasut neriunartoqanngillat. Ajortumillu pisoqartussaavoq. Nunani mikisuni annertuumik aatsitassarsiornikkut misilitakkat ajorluinnarput.
- Naalagaaffeqataasutut pingaartuuvoq Københavnip eqqaatalu nukiit tamaasa atorlugit pinngitsoortinniarneqassasoq suliniutit angisuut pillugit inatsisitut ittoq Kalaallit Nunaanni ineriartornermi ileqquulissasoq. Tamannami ajorluinnassaaq.
Uanilu oqallinnermi peqataagit. Pingaartitami allaaserisaq qanoq isumaqarfigaajuk?