Tanbreez qinnuteqarnissaminut piareerpoq
28. februar. Tassa ulloq Tanbreez Miningip naggataarutaasumik nutsikkamillu qinnuteqarnissanut kingullerpaaq aatsitassanik qaqutigoortunik piiaanissamut ilanngutissaguni
Ukioq ataasingajak qaangiuppoq Tanbreez Mining Greenland A/S Aatsitassanut pisortaqartimmut Killavaat alannguani piiaanissasiminut qinnuteqaataagallartumik nassitsimmalli. Maannakkullu suliffeqarfiup Killavaat alannguani aatsitassanik qaqutigoortunik piiaanissaminut qinnuteqaatini naammassilivippaa.
Qinnuteqaataassaaq Kujataani Kangerluarsuup qinngiani aatsitassanik qaqutigoortunik feldspatimillu piiaanissaq.
Maannakkut qinnuteqaat nalilersorneqareersimallunilu kalaallisut nutserneqareersimassaaaq paasissutissaqnillu imaqassalluni piiaanissamik qinnuteqaammiittussanik. Aatsitassanummi pisortaqarfik suleqatigalugu suliaavoq.
Taama nalunaarpoqKommune Kujalleq.
Tamannali sioqqullugu kujataani Nuummilu paasisitsiniaalluni ataatsimiittoqartassaaq. Tusarnaariartoqarsinnaassaaq apeqquteqarlunilu.
Paasissutissiinerit pissapput:
- Narsaq - katersortarfik 14. februar nal. 19.00-22.00
- Qaqortoq – katersortarfik, 15. februar nal. 19.00-22.00
- Nanortalik - kulturhuset Qujanarteq, 16. februar nal. 19.00-22.00
- Alluitsup Paa -timersortarfik, 17. februar nal. 19.00-22.00
- Nuuk - Ilisimatusarfik, 19. februar nal. 19.00-22.00