Kuupik IA-lu qineqqusaarnissamut piareerput
Qaammatini tulliuttuni nunatsinni tamarmik sisamanik qinersissaagut. Inuit Ataqatigiit naalakkersuisuutitaqarnermik illersornissaanut piukkunnarluartutut misigisimaput
Ullumikkut sisamanngornermi nalunaaqutaq marlunut naalakkersuisut siulittaasua Kuupik Kleist Inuit Ataqatigiinneersoq qinersinissamik nalunaaruteqassasoq ilimanarluinnarpoq.
Sapaatip akunnerata naanerani Sisimiuni IA-p ataatsimeersuarnera nangillugu Sermitsiami uani sapaatit akunnerani 54-nik ukiulik Kuupik Kleist ataatsimeersuarnermi unammillerteqarani siulittaasutut qinigaaqqittoq oqaloqatigineqarpoq.
Kuupik Kleist oqaloqatigineqarnermini assinngitsunut isummerpoq IA-kut ataatsimeersuarneranit nalunaarummiittunik nalunaarummiinngitsunillu.
Læs "Kuupik har indkaldt til kort pressemøde"
Læs ”Skal vi til valg 12. marts?”
Læs "Kuupik genvalgt som IA-formand"
Meeqqat atuarfiani atuartut 50 procentiisa ilinniartitaanikkut ingerlariaqqinngitsoortarnerat qanoq isumaqarfigaa? Naalakkersuisooqatigiinnermi isumaqatigiinngissutaasoq qanoq annertutigaa IA-kut Demokraatillu assigiinngitsumik uranimik akuersaanngiluinnarneq isumaqarfigitillugu?
Sooruna akissarsiaqqortussuseq aallaavigalugu akileraartarneq IA-kut nalunaarutaani oqaatsimik ataatsimilluunniit taaneqanngitsoq, uffa partiip taama akileraariaaseq ukiorpassuarni eqqukkusussimagaa? Innuttaasut akuutinneqarnerat tamallu naalakkersueqataanerat qanoq inissisimava? Qinersinissarmi?
Taakkununnga allanullu akissutit Sermitsiami atuakkit, aviisilu uani pisiarisinnaavat: