Anthon: Qinersinissamut piariingajalerpugut
Kattusseqatigiit Partiiata siulittaasua Anthon Frederiksen nalunaaruteqarpoq partii Inatsisartunut qinersinissamut piariingajalersoq
- Nalunngilarput ukioq manna qinersisoqassasoq, taamaattumillu qinersinissamut piareersarpugut. Inissitassat kingulliit inissinniarpavut. Taamaasioreerutta qinersinissamut piariissaagut, Kattusseqatigiit Partiiata siulittaasua Anthon Frederiksen Sermitsiaq.AG-mut oqarpoq.
Ilimanarpoq Naalakkersuisut siulittaasuata Kuupik Kleistip, Inuit Ataqatigiit, aqagu sisamanngornermi qinersinissaq nalunaarutigissagaa.
Atuaruk "Marsip 12-anni qinersissaagut?"
Qinersinermut inatsit naapertorlugu siusinnerpaamik marlunngornermi marsip 12-anni qinersisoqarsinnaavoq, Naalakkersuisut siulittaasuata Inatsisartunut qinersinissaq nalunaarutigisussaammagu sivikinnerpaamik sapaatit akunnerinik tallimanik sioqqutsisumik. Qinersinerlu marlunngornikkut ingerlanneqassammat.