Ulluni aqqaneq marlunni sikunik mattussaapput
Ilulissani Kangianut aalisariarneq aalisartunut ilungersuatitsivoq. Ulluni aqqaneq-marluni kassunit mattussaaqqapput angallataat sequminneqarnissamik ulorianartorsiorlutik
Januaarip qulingat aalisartumut Jens Peter Olsvigimut sorpassuartigut ulloq nalinginnaalluinnartuuvoq. Silamik ilimasaarut silaginnissaanik ilimasaarivoq.
Taamaattumik Jens Peter Olsvig umiatsiaaqqamik Q 21-mik kisimiilluni aallarpoq. Ilulissat kangerluannut Kangialiarpoq, tassaniipporlu Sermeq Kujalleq – nunarsuarmi iigartartut annersaat sukkanerpaamillu sarfalik
Jens Peter Olsvigilli erniinnaq paasivaa sungiusimasaminit kassoqarnerujussuusoq. Sikuminerpassuit unnuap ingerlanerani iigartartumit nakkakaasimapput maannalu kangerlummut aniallutik. Amerlassusaalli qaqutigoorluinnarpoq.
Taassuma kingorna suut tamarmik sinnattupiluttut ilipput.
Uani spaatit akunnerani AG-mi allaaserisaq pissanganartoq tamaat atuaruk, aviisilu uani pisiarisinnaavat: