Ukioq manna Qeqertarsuup tunuani taamaatitsinerit ikinnerupput

Kujataani illoqarfiit sisamaasut akornanni pingasuni ukioq manna silaannakkut angallannermi taamaatitsinerit amerlanerusut Qeqertarsuup tunuani akerlerlunnaanik isikkoqarpoq

Bell 212 S-61-imut taartaaleranuku ajorineqaqaaq. Assi: Leiff Josefsen
Kisitsisit takutippaat januaarip 1-aniit 15-anut Qeqertarsuup tunuani qulimiguullit taamaatinnerisa kinguaattoornerisalu siornamut naleqqinnera.
Bell 212 S-61-imut taartaaleranuku ajorineqaqaaq. Assi: Leiff Josefsen Leiff JosefsenKisitsisit takutippaat januaarip 1-aniit 15-anut Qeqertarsuup tunuani qulimiguullit taamaatinnerisa kinguaattoornerisalu siornamut naleqqinnera. Bell 212 S-61-imut taartaaleranuku ajorineqaqaaq. Assi: Leiff Josefsen Leiff JosefsenKisitsisit takutippaat januaarip 1-aniit 15-anut Qeqertarsuup tunuani qulimiguullit taamaatinnerisa kinguaattoornerisalu siornamut naleqqinnera. Bell 212 S-61-imut taartaaleranuku ajorineqaqaaq. Assi: Leiff Josefsen Leiff JosefsenKisitsisit takutippaat januaarip 1-aniit 15-anut Qeqertarsuup tunuani qulimiguullit taamaatinnerisa kinguaattoornerisalu siornamut naleqqinnera.

Air Greenlandimi kisitsisit nutaat takutippaat siornamut naleqqiullugu ukioq manna Qeqertarsuup tunuani taamaatitsinerit ikinnerusimasut.

Taama nassuiaavoq ineqarnermut, attaveqarnermut angallannermullu naalakkersuisoq Jens B. Frederiksen Demokraatineersut Siumumiit Inatsisartunut ilaasortamut Kristian Jeremiassenimut akissummini.

Kisitsisit allaaserisami assimi tullermiittuni takuneqarsinnaavoq januaarip 1-aniit 15-ianut Qeqertarsuup Tunuani qulimiguullit taamaatinneri kunguaattoornerilu siornamut naliqqiullugit, takuneqarsinnaavorlu qulimiguullit piffissa eqqorlutu aallartut ukiup siulianut naleqqiullugit amerlanerusut.

Kisitsisit takutippaat qulimiguullit piffissaq eqqorlugu tingisut 52 procentiupput siorna 39 procentiusimariarlutik.

- Timmisartuusseriaatsip atulerneraniit sapaatit akunneri ikittuinnaat ingerlareersimammata, siunissami ungasinnerusumi piffissaq eqqorlugu aallartartut qanoq isikkoqassanersut nalilissallugu suli siusippallaarpoq. Pisut soorunami qanittumik malinnaaffigissavakka. Qulimiguulimmik kinguaattoortoqaraangat tamatigut innuttaasunut eqqugaasunut tamanna kipiluttunartarmat paasisinnaavara. Kisiannili soorunami assartuussinerit tamarmik piffissaq eqqorlugu ingerlanissaat anguniarneqartariaqarpoq, kisiannili tamatigut teknikkikkut ajornartorsiortoqalersinnaasarpoq imaluunniit piffissap ilaani sila ajorsinnaalluni, Jens B. Frederiksen oqarpoq.

Læs "Jens B.: Trafikstrukturen er velfungerende"

Læs "Air Greenland: Derfor har vi haft aflysninger"

Allakkat siulliunneqartussaapput
Aamma nassuarpaa allakkisarneq kiffartuussinissamik isumaqatigiissutini pingaartinneqartoq.

- SNamminersorlutik Oqartussanit nuna tamakkerlugu pilersuinerup qularnaassusia ataatsimoortillugu eqqumaffigineqartorujussuuvoq, tassungalu innuttaasut allagarsisinnaanerat ilaavoq. Taamaattumik kiffartuunneqarnissamik isumaqatigiissutini piumasaqaatitut allanneqarpoq, sullissisut allakkat salliutillugit, aammalu poortukkat pingaarnerit pingajuattut inissillugit nassartassagaat, tassalu allakkanik nassiussisarneq assersuutigalugu inunnik assartuussinermit pingaarnerutinneqarpoq, Jens B. Frederiksen oqarpoq.

Læs "Air Greenland erkender Bell 212-problemer"

Aamma nangilluni oqaatigaa angallassinermut pilersaarummi nutaami sapaatit akunnerisa ulluini siullerni tallimani Qasigiannguit aamma Ilulissat Aasiaallu akornanni ullormoortumik angallassisarnissaq ilaatinneqarpoq, tassalu siornatigut angallassinerit sapaatit akunnerinut marluusarput.

- Tamanna allakkat apuunneqarnissaannut periarfissanik amerlititsisussaavoq, Jens B. Frederiksen oqarpoq.

Powered by Labrador CMS