Inuusuttut eqqumiitsulianik saqqummersitsipput

Assit oqaasertallit Paamiuniit, Tasiilamiit Nuummiillu inuusuttunit 45-nit pilersinneqartut Nuuk Kunstmuseumimi saqqummersinneqarput

Arfininngormat Nuummi unnummi kulturisiorfimmi Nuuk Kunstmuseumimi saqqummersitsineq ’Youth for Future’ ammarneqarpoq, Saqqummersinneqarput assilisat 50-t oqaaseqaatillu nunatsinni inuusuttuunermut sammisut. Assi: MIO – Børnerettighedsinstitution
Foto: MIO – Børnerettighedsinstitution
Arfininngormat Nuummi unnummi kulturisiorfimmi Nuuk Kunstmuseumimi saqqummersitsineq ’Youth for Future’ ammarneqarpoq, Saqqummersinneqarput assilisat 50-t oqaaseqaatillu nunatsinni inuusuttuunermut sammisut. Assi: MIO – Børnerettighedsinstitution Foto: MIO – Børnerettighedsinstitution Arfininngormat Nuummi unnummi kulturisiorfimmi Nuuk Kunstmuseumimi saqqummersitsineq ’Youth for Future’ ammarneqarpoq, Saqqummersinneqarput assilisat 50-t oqaaseqaatillu nunatsinni inuusuttuunermut sammisut. Assi: MIO – Børnerettighedsinstitution Foto: MIO – Børnerettighedsinstitution Arfininngormat Nuummi unnummi kulturisiorfimmi Nuuk Kunstmuseumimi saqqummersitsineq ’Youth for Future’ ammarneqarpoq, Saqqummersinneqarput assilisat 50-t oqaaseqaatillu nunatsinni inuusuttuunermut sammisut. Assi: MIO – Børnerettighedsinstitution Foto: MIO – Børnerettighedsinstitution

Nunatta inuusuttortani suniarpai, inuusutullu nunarput suniarpaat?

Apeqqut taanna suliniummi Greenland – Youth for Future 2013-mi akiniarneqarpoq.

Arfininngormat Nuummi unnummi kulturisiorfimmi Nuuk Kunstmuseumimi eqqumiitsulianik saqqummersitsineq ’Youth for Future - inuusuttut siunissamut’ ammarneqarpoq. Saqqummersitamiipput assilisat 50-t oqaasertaliussallu ataasiakkaat nunatsinni inuusuttuunermik sammisallit.

Suliniummik workshoppinillu suliaqartuupput eqqummitsulianik assiliisartoq Tina Enghoff tusagassiortorlu Anette Molbech. Tinap Anettelu marluullutik 2010-miit 2012-mut ukiut pingasut ingerlaneranni inuusuttut Paamiuneersut, Tasiilameersut Nuummeersullu ilitsersortarsimavaat.

Annermilli inuusuttut namminneq pielrsitsisimapput taakkulu aqqutigalugit inuunermik qanoq ittuuneranik kimittuunik takutitsillutik.

Inuusuttut inuunerat, neriuutaat takorluugaallu
Suliniummi anguniarneqarpoq isumaginninnikkut kulturimik suliniummik pilersitsinissaq inuusuttut namminneq oqaatsitik assilisatillu aallaavigalugit takutinniarssallugu maannakkorpiaq nunatsinni illoqarfinni pingasuni inuunerminni suut neriuutiginerlugit takorluugarinerlugillu.

Taamaalilluni piffimmut takussutissaq uppernarlunilu kimittuvoq. Misigissutsit soorlu neriunnerup, takorluukkat, asanninnerup, kipisannerup, anniarnerup kiserliornerullu takutinnerisa saniatigut assit oqaasertallu nunatsinni inuusuttut nukii takutippaat. Nukiit sakkortuut qanoq pitsaasumik inuusuttuulluni inuuneqarnissaq pillugu oqallinnerup aallartinnissaanut atorneqarsinnaasut.

Sapaatiummat Piareersarfiup, meeqqat pisinnaatitaaffiisa ingerlatsiviata MIO-p nunattalu atuagaateqarfiata aaqqissugaanik Nuummi atuagaateqarfimmi oqallinnissamut qaaqqusisoqarpoq.

Akisussaaffimmik tiguserisupput
Oqallinnermi qulequttat pingaarnerit ilagaat inuusuttunik suliaqartut tamarmik qaninnerusumik suleqatigiinnissaat, meeqqat atuarfianiit suliffeqarnermut.

Inuusuttut kissaatigeqaat kinguaariit utoqqasaanerusut aaqqiagiinngissuteqarnissamut misigissutsillu takutinnissaannut qunusarnerisa nungutinnissaat. Assini oqaasertanilu takuneqarsinnaapput inuusuttut misigissutsiminnik oqaluuseqarusuttut nunatsinnilu siunissami akisussaaffimmik tiguserusullutik. Youth for Future - inuusuttut siunissamut suliami tassani aqqutissiuusseqataassaaq.

- Suliniummi inuusuttut inuunerannik paasisaqarpugut, eqqarsaataannik ernumassutaannillu. Assit oqaasertallit takugaanni inuusuttut ullumikkut tamaviaarutissarpassuit takullugit pikkunarpoq, aammali nukeqassusaat nunatsinnilu siunissaminnik pilersitseqataanissamik kissataat takullugit nuannaajallannarpoq, meeqqat illersuisuat Aaja Chemnitz Larsen aallaqqaammulli suliniummik malinnaasimavoq oqarpoq.

Powered by Labrador CMS