Svend Hardenberg kommunaldirektørinngussaaq
Qaasuitsup Kommuniani kommunalbestyrelsip Svend Hardenberg kommunaldirektøritut toqqaqqammerpaa
(Allaaserisaq nutartigaavoq)
Qaasuitsup Kommuniani kommunalbestyrelsip ataatsimiinnermi matoqqasumi Nukissiorfinni pisortaasimavoq Svend Hardenberg kommunimi pisortatut toqqaqqammerpaa.
Hardenberg ilaatigut Nukissiorfinni pisortatut sulisimavoq kiisalu Human Resourcesimi Air Greenland A/S-imi kingullermillu LinKS Advicemi pisortaanertut.
Svend Hardenberg, nulia Julie Edel Hardenberg meeraallu pingasut Ilulissanut nuussapput marsip aallaqqaataani atorfimmini nutaami atorfinippat. Atorfimmi Henrik Rafn taarserpaa decembarimi 2009-mi toqqagaasoq.