Partii nutaaq pilersinneqarpoq
Nunatsinni partiit arfinilinngorput Inuit Partiip ippassaq unnukkut siulersuisussat toqqareeraalu
Partii nutaaq Partii Inuit qaammatini arlalinni piareersarneqareerluni kiisami partiitut taasinnaalerpoq siulersusussat ippassaq unnukkut akuerineqarmata.
- Ippassaq unnukkut kingusissukkut siulersuisussat inissippavut, partiimik pilersitsisoq Nikku Olsen nuannaaqaluni oqarpoq.
Maannagaarlu oqaatigerusunngilaaq partii sunik pingaartitaqarlunilu anguniagaqarnersoq, partiimiittullu allat peqatigalugot qanittukkut tusagassiuutinik katersortitsiniarluni.
Qinnuteqaat itigarsinneqarpoq
- Tusagassiuutinik katersortitsinissatsinni sumiiffissamik piffissamillu ujartuivugut. Soorunamilu pingaartuuvoq piaartumik partiip ilisaritinnissaa. Neriuppugut tamanna piaartumik pissasoq, Nikku Olsen oqarpoq, ullumikkut namminersorlutik oqartussat tusagassiuutinut iniutaani tusagassiuutinik katersortitsinissamut qinnuteqarsimagaluartoq.
- Ajoraluartumilli tamanna itigartinneqarpoq tunngavilersuutigineqarluni namminersorlutik oqartussanut attuumassuteqanngitsugut, nassuiaasoq.
Nunagisamik pingaartitsiniartuunngilagut
- Partii Dansk Folkepartimut assersuunneqarsimasoq - tamanna qanoq isumaqarfigaajuk?
- Qungujuinnarsinnaavunga. Inuit qanorluunniit isummersorsinnaapput, nunagisamilli pingaartitsiniartuunngilagut, Nikku Olsen qungujuaarluni oqarpoq.
Partii Inuit siulersuisui makkuulerput:
Partiimi siulittaasoq: Nikku Olsen
Siulittaasup tullia: Mette Lynge
Siulittaasup tullia: Randi Broberg
Siulersuisunut ilaasortaq: Jens Peter Lange
Siulersuisunut ilaasortaq: Frederik Lange
Siulersuisunut ilaasortaq: Peter Christensen
Siulersuisunut ilaasortaq: Poul Egede Jensen
Sinniisussaq: Georg Olsen