Europarådep inatsisitigut isumannaatsuuneq isornartorsiorpaa
Inatsisitigut isumannaatsuunermut ajornartoriutaavoq inuit tigusarinerisigut ilinniarsimasumik illersuisoqartannginnera, Europarådep naalliutsitsinermut isumalioqatigiissitai isumaqarput. Naapertuuttumik eqqartuunneqarnissaq taamaalilluni ajorseriarpoq
Eqqartuussissuserisunik ilinniarsimasunik amigaateqarnermi Kalaallit Nunaanni eqqartuussiveqarneq sanngiinnerulerpoq. Taama isumaqarput Europarådemi naalliutsitsinermut isumalioqatigiissitat nunatsinni inatsisitigut isumannaatsuuneq pillugu nalunaarusiami Danmarkimik kajumissaarisut inatsisitigut ikiorneqarnissamut periarfissanik pitsaalerulersitseqqulllugu.
Taama ullumi tallimanngornermi allappoq Politiken.
Nunatsinni ukiuni marlunni illersuisutut ilinniartitaaneq immikkut ittoq eqqartuussiveqarnikkut iluarsaaqqinnersuarmut atatillugu 2008-mi pilersinneqarpoq ukiullu nikinneranni 2010-mi atulerluni. Tamannali naammangnilaq. Pasillerneqartut eqqartuussissuserisumik ilinniarsimasumik illersuisoqartariaqarput, soorlu tamanna naalagaaffeqatigiit sinnerani atuuttoq, Foreningen af Beskikkede Advokater Europarådellu naalliutsitsinermut isumalioqatigiissitai isumaqarput.
Inatsisinik atortitsinermut ministeri Morten Bødskov (S) Politikenimi allalluni akissuteqarpoq Danmark nalunaarusiap akinissaanut oqaaseqarnissamut qaammatinik arfinilinnik persiarfissinneqarsimasoq.
Nalunaarusiamili inerniliisoqarpoq pineqaatissinneqarsimasunut inissiisarfinniittut ajunngitsumik pineqartartut, Politiken allappoq.