Nuummi qaartiterinermi ajutoorneq
Angut Rigshospitalimut aallarunneqarpoq qaartiterinermi ajutoorneqarnerata kingorna
Angut 43-nik ukiulik nissumigut ajoquserujussuarpoq qaartitsinermi ujaqqamik tammittumik eqqorneqarami. Niuata napinera ima erloqinartigaaq Rigshospitalimut aallarunneqartariaqarluni.
- Tassaavoq angut sulisartoq, tallimanngormat Betoncentralip eqqaani qaartitsinermi ujaqqamik tammittumik nissumigut eqqorneqartoq. Kingorna Danmarkimut aallarunneqartariaqarpoq maani Nuummi pisariaqartumik pilanneqarsinnaannginnami, politikommissær Niels Nyvang paasissutissiivoq, ajutoornerlu pillugu annertunerusumik paasissutissiisinnaanngilaq.
- Kingorna Sullivinnik Nakkutilliisoqarfiup ajutoorfimmi sullivimmi pissutsit takuniarpai, sulilu ilisimanngilarput Betoncentralen unnerluunneqassanersoq, Sullivinnik Nakkutilliisoqarfiup pisimasoq suli nalilersormagu, Niels Nyvang oqarpoq.