Tamarmik qinigaaqqipput

Royal Greenlandip ataatsimeersuarnerani siulersuisuni ilaasortat tamarmik siulittaasorlu qinigaaqqipput.

Siulersut ataatsimiinnerat ullumi pingasunngornermi Nuummi Katuami ingerlanneqarpoq, siulersuisunullu siulittaasoq Niels Harald de Coninck-Smith, Marie Fleischer aamma Pernille Fabricius qinigaaqqittussatut siunnersuutigineqarput,Royal Greenland nalunaarpoq.

Taamaalilluni Niels Harald de Coninck-Smith siulersuisuni siulittaasutut ingerlaqqippoq, Marie Fleischer siulittaasup tulliatut ingerlaqqilluni. Siulersuisuni ilaasortat allat aamma qinigaaqqipput.

Siulersuisut makkuulerput:

Niels Harald de Coninck-Smith, (siulittaasoq)
Marie Fleischer, 2015-p tungaanut qinerneqartoq
Svend Bang Christiansen, 2014-p tungaanut qinerneqartoq
Sara Heilmann, 2014-p tungaanut qinerneqartoq
Peder Tuborgh, 2014-p tungaanut qinerneqartoq
Pernille Fabricius, 2015-p tungaanut qinerneqartoq
Lars Berthelsen, sulisunit toqqagaasoq
Peter Korsbæk, sulisunit toqqagaasoq
Niels Ole Møller, sulisunit toqqagaasoq

Sulisunit toqqakkat ukiut sisamakkaarlugit qinigaasarput tullianilu qinersisoqassaaq 2014-imi ataatsimeersuarnermi.