Uuhm mamarunat!

Sisimiuni Nalunnguarfiup Atuarfiani atuartut ataatsimoorlutik aulami nerisalerput

Sisimiuni Nalunnguarfiup Atuarfiani atuartut atuarfiup katerittarfiani nereqatigiittalerput. Assi: Paninnguaq Fleischer-Lyberth
Assi: Paninnguaq Fleischer-Lyberth
Assi: Paninnguaq Fleischer-Lyberth
Assi: Paninnguaq Fleischer-Lyberth
Assi: Paninnguaq Fleischer-Lyberth Assi: Paninnguaq Fleischer-Lyberth Sisimiuni Nalunnguarfiup Atuarfiani atuartut atuarfiup katerittarfiani nereqatigiittalerput. Assi: Paninnguaq Fleischer-Lyberth Assi: Paninnguaq Fleischer-Lyberth Assi: Paninnguaq Fleischer-Lyberth Assi: Paninnguaq Fleischer-Lyberth Sisimiuni Nalunnguarfiup Atuarfiani atuartut atuarfiup katerittarfiani nereqatigiittalerput. Assi: Paninnguaq Fleischer-Lyberth Assi: Paninnguaq Fleischer-Lyberth

Uuhm, tamarmik mamarunat, ilaa mamarunat – atuartut nuannaarpasillutik nerisassanik tunuleriaannerminni imminnut ilaat saapput. Tukammik, eqqiluisaarnermik sinnikorpassuaqartarneralu pissutigalugu Sisimiuni Nalunnguarfiup Atuarfiani nutaamik eqqarsartariaqalersitsisimapput.

Atuartut siullermik klasseminni nerisarput.

- Iluarpallaarsimanngilaq. Neriffikumik torersaanermut piffissaq annertooq atorneqartarpoq, amerlasuullu nerisatik nungunneq ajorpaat, taamaattumik nerisassat annertoorujussuit iginneqartarput, Peter Mathiassen pedellini ittuusoq oqarpoq.

Maannakkut atuartut “kantiinami” klassikkaarlutik neriartortarput. Første klassimiit 3. Klassemut aqqanernut siulliullutik nerisarput, tullissaatalu takkunnissaanut nerinissaminnut minutsit 15-it periarfissarisarpaat.

Ilinniartitsisut igaffimmilu sulisut tamarmik nerisarnissaq allanngortinniarneqaqqaalermat annilaangasimapput.

Atuartut maligassiuipput

- Kisianni ingerlalluaqaaq. Pikkoreqaat. Nerissaminnut tulleriaallutik eqqissiivillutik utaqqisarput, nerigaangami pikkorillutik issiasarput, saniatigullu tullissaminnut aamma nerriviit kusarnartumik qimassallugit ilinniaatigaat, nukarlernut ilinniartitsisoq Elisabeth Johansen oqaluttuarpoq.

- Ilumut, aamma meeqqat imminnut oqaloqatigeerujoorlutik nuannareqaat.

Taamaasillutik aamma klassini allani atuartut ilinniarpaat, klasseqatitit kisiisa pinnagit. Nuanneqaaq, Esther Jørgense, aamma nukarleni ilinniartitsisuusoq oqaluttuarpoq.

Minngortuunnguup atuarfiani atuartut klassit arlallit aamma atuarfimmi iluarsartuunneqarnerani Nalunnguarfiup atuarfiani atuarput.
- Aamma taakku nerneqataasalerput. Iluarilluinnarpaat. Taamatut nerisarneq allanut aamma innersuukkusunnaqaaq. Ullut pingasut qaangiutiinnartoq takusinnaalereerparput qanoq iluatsilluartigisoq, ilinniartitsisut oqaluttuarput.

Atuarfik aningaasarpassuarnik sipaaruteqarpoq

- Allannguinerujussuuvoq – pitsaanerusumut. Nuannernerpaavoq meeqqat maanna ilagisinnaagatsigit, oqaloqatigalugit aamma maanna namminneq aalajangersinnaavaat nerisassat sorliit illiginerunerlugit. Uagutsinnut immersornarneruvoq takusinnaallugit nerisassiagut mamaralugit nerigaat, atuarfiup igaffiani ningiuusoq Birgithe Andreassen oqaluttuarpoq.

Nerisarnerup allanngortinneqarnera aningaasanik sulisullu sulerulunnissaraluanik pinngitsoortitsivoq

- Aningaasarpassuit maanna sipaartalerpagut. Siullermimi nerisassat kiilut taamannat igittarpagut, maanna pisariaqartinneqartut naapertorlugit nerissassiorsinnaalerpugut, Birgithe Andreassen oqaluttuarpoq.
Nerisarneq allanngortinneqanngikkallarmat atuarfiup pedelii meeqqanut annerusumik kiinnernissaminnut periarfissaqarneq ajorput.

- Maanna meeqqat akornaniittalerpugut, igaffimmiut ikiorlugit. Nuanneqaaq taamatut inissisimalerluni, meeqqammi ilinniarpagut aammali ilinniartitsisut qanimut suleqatiginerulerugit, gangvagtitut peqataasarmata, Peter Mathiassen oqaluttuarpoq.

Meeqqat nammineerlutik taquassanerlutik imaluunniit atuarfimmi nerissanerlutik aalajangersinnaavaat.

- Nereqatigiittarneq aatsaat aallarteqqammerpoq, suli pilersaaruteqarpugut – piffissallu ingerlanera ineriartorterusaarumaarparput. Soorlu aamma meeqqat assii nerisarfimmi iikkamut nivinngaassuukkusuppagut, Peter Mathiassen oqaluttuarpoq.

Powered by Labrador CMS