Pierre 10.000 koruuninik akissarsivoq
Unammisitsinermi Greenland Startup-imi akissarsiassaq anneq aallartitsisumut Pierre Minik Lyngemut tunniunneqarpoq, taannalu containerini naatitanik naatitsisalerniarpoq
Pierre Minik Lyngep, ilaatigut aviisimik sapaatip akunneranut saqqummerartumik TiuTiu ineriartortitseqataasimasup, sapaatip akunnerata naanerani akissarsiassat annersaat pissarsiaraa, Niuernermik Ilinniarfiup aallartitsisunut unammisitsinini Startup Greenland ingerlammagu.
Taamatut Niuernermik Ilinniarfimmi faglæreri Lars Møller Kranker paasissutissiivoq.
Akissarsiassaq anneq 10.000 koruuniusoq BankNordik-imit tunniunneqarsimavoq. Pierre Minik Lyngellu unamminermi ajugaassutigaa containerimi naatitanik nutaanik naatitsinissamut najoqqutassaq
Atuaruk "Aallartitsisut 10.000 koruuninnanniupput"
Periuseq tamanna nunanit allanit ilisimaneqarpoq, tassa issoqanngitsumi naatitanik naatitsineq. Tunisassianillu taamaattunik Nunatsinni naatitsisarnikkut eqqussuinermi aningaasartuutit annikillisarneqarsinnaapput.
Pierre Minik Lyngep ullumikkut siunnersuitut ingerlatsivik Kunoichi.co pigaa, tassanilu ilaatigut suliarineqarput ilusilersuinermi ineriartortitsinermillu suliniutit.