Nuummiit Rockstones pikkunaqaat
Rockstones tallimanngormat tusarnaartitsipput - arfininngornemrilu aammaarlutik
Ilannguaq, Dino, Johan, Kim aamma Samuel Rockstonesimik taaneqartartut inuusuttut rockertartut novembarimi Kommuneqarfik Sermersuup aaqqissugaanik Nuummi meeqqanut inuusuttunullu unammisitsinermi ajugaasut sapaatit akunnerata naanerani Aalborgimiipput.
Nukapissat piukkunnartut Aalborg kongres- og kulturcenterimi nipilersoqatigiit untritilikkaat peqatigalugit 'Ungdomsringens musikfestival 2013’-mi peqataapput.
Læs "Bandet ’Rockstones’ skal til musikfestival"
Ilannguaq Sermitsiaq.AG-mut oqaluttuarpoq kalaalerpassuarnik sulilu amerlanerusunik qallunaanik isiginnaartoqarneq nuannersimaqisoq, taakkulu isumaqarput Rockstones nuannerluinnartut. Tusarnaartitsivimmi quullit alutorneqaat nipiliuutillu pitsassuullutik.
Tallimanngormat Rockstones ima ingerlalluartigaat arfininngornermi aammaarlutik isiginnaartunut suli amerlanerusunut tusarnaartitseqqittariaqarlutik.
Rockstones marlunngorpat Nuummut utissasut nipilersoqatigiinni erinarsortartoq Ilannguaq oqarluttuarpoq.