Tilluunneq siuariartorfiusoq
Februaarimi Nuummi tilluuttartut BK Fight Club Nanoq aamma BK Qaqortoq Islandimi tilluunnermik unammiuaarnermut anngajaamut tilluuttartut arfineq-pingasut aallartissavaat
Kalaallit Nunaanni tilluuttarnermik ajunngivissumik aallussisoqarpoq. Timersoqatigiiffiit Sisimiuni, Maniitsumi, Qaqortumi Nuummilu sungiusarfiulluarput. Timersoqatigiiffinni kingullertut taasanit tilluuttartut arfineq-pingasut februaarimi Islandiliassapput, tassani qallunaat tilluuttartut aamma peqataassallutik.
Kalaallit Nunaanni tilluuttarneq ingerlalluartutut oqaatigineqarsinnaalluni 2012-ip ingerlanerani Nuummi marloriarluni isiginnaartoqarluarluni unammisoqarluni. Tamatuma saniatigut kalaallit tilluuttartut Danmarkimi unamminerni peqataasarput. Maanna Islandimi unamminerni peqataassallutik.
Fight Club Nanoq aamma BK Qaqortoq tilluuttartut uku Islandimut aallartissavaat: Nikolaj Ostermann, Mads Peder B. Christensen, Angulluk F. Thomassen, Qivioq Antonsen, Jakob Møller, Aninnguaq Eigaard, Arnajaraq Bibi Bjerge aamma Ikitannguaq Jensen.