Internetimut atassusiisoq alla takkutilerpoq

IT-mik suliffeqarfiup Inu:IT'p Sermitsiaq.AG-mut naqissuserpaa siunissami qaninnerpaami Nuummi internetimik atassusiinissamik neqeroortalerniarluni.

Suliffeqarfiup namminersortup neriuutigaa suut tamarmik ingerlalissasut qaammatialuit qaangiuppata.

- Maannakkut atortunik antennenillu sumi tamaani ikkussuileruttorpugut maannakkullu suli oqaatigisinnaanagu qaqugu piariissanerluta, neriuutigaarpulli tamanna marsimi apriilimiluunniit pisinnaassasoq, Inu:IT-mi tuniniaanermi pisortaq Dan Jeppson oqarpoq.

Tunisassiat assigiinngitsut pingasut
- Atuisut tunisassianik pingasunik toqqarsinnaasaannik neqeroorfiginiarpavut, piumasarinianngilarpulli atuisuvut ikkusimasumik oqarasuaateqarnissaannik internetimut attaveqarsinnaassagunik, Dan Jeppson oqarpoq.

Tunisassiat pingasut Inu:IT-mit neqeroorutiginiarneqartut tassaapput interneti mobiliusoq, USB atorlugu attaviusinnaasoq, angerlarsimaffimmi allaffimmiluunniit internet trådløsiusoq kiisalu hotspotimik taaneqartartoq, atuisut illoqarfimmi sumiiffinni aalajangersimasuni internetimut attaveqarsinnaallutik.

- Hotspot-internet nassuiarneqarsinnaavoq internetimut attaveqarneq taletidskorteqarluni, akunnikkaarlugit ullukkaarlugilluunniit internetimut attaveqarnbissamik pisisoqarsinnaaluni soorlu Brugsenimi imaluunniit Nuuk Centerimi, Dan Jeppson nassuiaavoq.

Læs "Tele går i rette med Nuuk Skynet"

Læs "Nuuk Skynet: Umuligt at konkurrere mod Tele"

Læs "Endelig får vi mere internet for pengene"

Telemiit akikinnerorusuppugut
Inu:IT vil Tele Greenlandimiit akikinnerorusuppoq.

- Akititigut Telemit pitsaanerussaavut. Atuisiqalissagutta akikinnerusariaqarpugut. Neriuppugut aamma Telemiit pitsaanerussalluta, atuisuvulli aalajangiisuussapput, Dan Jeppson oqarpoq.

Isumaqarpoq suliffeqarfik taamaattoq aningaasatigut kaaviiaarsinnaasoq, naak Nuuk Skynet oqaraluartoq Tele Greenland unammillerneqarsinnaanngitsoq.

- Akilersinnaasimassanngillaluarpat taamatut suliniuteqarnavianngikkaluarpugut, Tele Greenlandimilli nalunaarasuartaateqarnikkullu aqutsisoqatigiinnik pitsaanerpaamik suleqateqarnissarput anguniarparput, Dan Jeppson oqarpoq.