Qeqqani Ilinniarnertuunngorniarfik nutaamik rektoritaarpoq
Hanne Sparholt Jørgensen, ippassaq Qeqqani Ilinniarnertuunngorniarfimmi rektorinngorpoq
Ilinniartitaanermut ilisimatusarnermullu naalakkersuisoqarfimmit tusagassiutikkut nalunaarummi tusarliunneqarpoq Hanne Sparholt Jørgensen januaarip 14-ianni 2013 atorfinitsinneqartoq.
Hanne Sparholt Jørgensen Køge gymnasiumimi lektoritut atorfimminiit Qeqqani Ilinniarnertuunngorniarfimmi rektoritut atorfinippoq, Køge gymnasiummimilu perorsaanermut inspektøritut pilersaarusiornermik aammalu danskit gymnasiaqarnermik iluarsaaqqinneranni piareersaanermik atortuulersitsinermillu suliaqarsimalluni. Hanne Sparholt Jørgensen Københavnip Universitetianiit danskisut, timersornermi aamma psykologimi kandidatitut ilinniagaqarsimanermi saniatigut Syddansk Universitetimiit almenpædagogikkimi Master-iuvoq.
Hanne Sparholt Jørgensen aamma Syddansk Universitetimiit perorsaanikkut suleriaatsinik ineriartortitsinermik misilittagaqarpoq, tassanilu ekstern rektoritut ilaatigut atuagarsornikkut piareersaariaatsinik ilinniartitsinerup piareersarneqarnera ilinniartitsinerlu ingerlatarisimallugit, kalaallit danskillu gymnasiaanni ilinniartitsisuusut perorsaanikkut ilinniartitaanerannut atatillugu.
Hanne Sparholt Jørgensenip Birgitte Hertling rektoritut Qeqqani Ilinniarnertuunngorniarfimmi taarserpaa. Ilinniarnertuunngorniarfik ukiup atuarfiusup 2012/13-ip aggustip aallartinnerani 397-inik ilinniartoqarpoq, taakkununngalu gymnasiani iluarsaaqqqinneq naapertorlugu ukioq siulleq atualersut ilaallutik.