Nuummi sapaatip-akunnerata naanerani politiit eqqissisimaarsimapput
Illoqarfiit pingaarnersaanni politiit kiisami sapaatip-akunnerani eqqissisimasoqarsimanera unnersiutigaat
Naak Nuummi politiit sapaatip-akunnerata siuliani angerlarsimaffinni eqqissiviilliornerit 13-it ornittariaqarsimallugit, taakkunannga pingasuni meerartallit - taamaakkaluartoq politiinit nuannaajallaatissatut oqaatigineqarpoq, Nuummi politiini politikommissær Niels Nyvang unnersiormat sapaatip-akunnerata naanerani annersumik eqqissisimaarsimallutik.
Sapaatip-akunnerata naanerani annerusumik pinartumik pisoqanngilaq, taanna oqarpoq.
Politiit makku pillugu saaffigineqarput:
- Persuttaanerit 2
- Pisinniarfinni tillinniarnerit 4
- Tillinniarnerit 4
- Qamuteralammik aallarussineq 1
Tillinniartoqarnerata kingorna ikoqqussut suli atuuppoq
Politiit suli Hotel Hans Egedemit aamma Telep qullersaqarfianni tillinniartoqarneranut atatillugu paasisaqarusupput.
- Inunnik arlalinnik pasinnittoqarnera aallaavigalugu aamma elektroniskinik pisinissamik neqeroorfigineqarneq aallaavigalugu saaffiginnittarput, kisianni politiit suli tillinnianik tigusarinninnissaminnut atugassaminnik amigaateqarput, Niels Nyvang oqarpoq.