Nunarput Herculesimit isiginnaaruk
Flyvevåbnet youtube-mut Nunatsinnit assilisanik ivertiterisimavoq
Flyvevåbnet videonit qiukkanik youtube-mi immikkoortortaminut ivertiterisimavoq, tamakku timmisartorsuarmit Herculesimit immiussat, Kalaallit Nunaat qulaallugu timminermini immiussarisartakkani. Kalaallit Nunaata sukutsitaanit immiussaanersut takuneqarsinnaanngilaq.
Flyvevåbnip facebookiani allassimavoq:
Kalaallit Nunaat C-130J-imit isiginnaarnikuuviuk? Isigisaq pinnerluinnarpoq - videomit uannga annikitsunnguaq takusinnaavat issatsiaq Herculesimit immiunneqarsimasoq. Nipilersornermit immiussani oqaluttuassartaq tassaavoq timmisartumi inuttat kalaallimit naapitaminnit nipilersugaq suliarineqarsimasoq atorsinnaasimagamikku. Ajoraluartumik kinaanersoq naluaat taamaattumik kina qutsavigissallugu nalullugu. Nalunngikkussiuk kinaanersoq oqalaarisi.
Kalaallit Nunaata sukutsitaanit immiussaanersut nalunngikkukkit imaluunniit erinarsortoq kinaanersoq nalunngikkukku Flyvevåbnets facebookimi qupperneranut allassinnaavat.
Sermitsiaq.AGmik atuartartut ilaasa ilisimatitsissutigisimavaat erinarsortoq tassaasoq Simon Lynge.
Video uani takusinnaavat